Kiwa chong chnong ka thaaiñ Borghat deilang wa ka JSU-Southern Border da pynsñiaw ki yei chrai yei wym ye u pynchna ya u sarok ha ka thaaiñ yong ki wot hadien wa kiwi ki bynta uni u sarok dadep wow siang psiang.
Uni u sarok wa tip leh kam u RBBJ (Rymbai-Bataw-Borghat-Jalalpur) Road toh uwa dadep wow pynkreh hei lut wa Rs. 23 klur tangwa da chah leh chiliang neibhah dadep siang psiang nadooh na Rymbai hadooh ha chnong Lakadong tangwa yei bynta ka thaaiñ Borghat won da ieh khlem chna.
U sarok ha kini ki bynta kamwa man kattæ toh uwa da sih wei uwa da yoo maa wow pynemkaam wei ha iwon iwon i por ye wow jia iwa sñiawsih.
Kamtæ da kyntu ya ki bor wa toh u pait yeini wow leh smat ki wow pyndep u pynchna sa ini i bynta neibynta i chngaaiñ yong waroh wei wow leh smat yeini.
Puræ leh: Lai bait i kreh ya u sarok RBBJ uwa 30 Km hadien boon tylli ki snem
Discussion about this post