Ha kini ki sngi da sakhi wa i kreh ya u sarok Rymbai-Bataw-Borghat-Jalalpur Road (RBBJ) ha East Jaiñtia Hills uwa jrong kamwa 30 Km da man iwa lai bait chaaid chaaid.
Neiliang ki paidbah ka thaaiñ da pynsñiaw ki yei sñiawkmen hajrong i yoh u siang psiang thymme ya uni u sarok hadien da ki phaw phaw snem wa da chah leh u.
Kam wow pynkynmoo heini wa ya u mooyurim wow siang psiang ya uni u sarok da booh ha ka 4 tarik u Khonchonglad (Nov), 2022 ha Madanbol Lacheh, Bataw da u MLA ka thaaiñ, u Kyrmen Shylla uwa man leh u Montri ka sorkar wa katni.
Uni u sarok RBBJ toh u sarok ka chnat Public Works Department (PWD) wei u pynyabi u ya ki 9 tylli ki chnong, ka Bataw, Umsatai, Ladwah Wapung, Pynurkba, Deinsatlang, Umlyngsha, Lakadong Umlatdoh, Lakadong Ummat wa Laad Lakadong.
Ki paidbah yong ka thaaiñ wa kiwa kitkaam chnong waphær waphær da sñiawngooh ki ya u MLA ka Khliehriat, u Kyrmen Shylla waka chnat PWD hajrong i siang psiang ya uni u sarok.
Discussion about this post