U Montri ka chnat Puræ Puthi, u Rakkam A Sangma da pyntip u wa i khut yaleh Interview ya kitu kiwa da pyndep ya ka MTET daw pynman noh ha ka 15 tarik u Khonchonglad (Nov) uni u snem yow pyndap ya ki 1200 tylli ki kaam sikai wa thylli ha ki skur Lower Primary ka sorkar wa kamwa 400 ngut ha ki skur Upper Primary.
Da yooluti u leh wa yeini daw ye u pyndep lut chwa ka Christmas deiwa ye syndon u thun kreh noh.
Yeini da khana u Montri hadien wa yachem ka HYC yow khana ya oo wa kamwa 90 tylli ki skur LP hapoh ka West Khasi Hills toh kiwa em kamwa 50 hadooh 100 ngut ki khynnah tangwa kiwa boon em ki du uwi næ ar ngut kiwa sikai wei kini kiwa sikai da hikai ki nadooh Class Nursery hadooh Class V.
Da dawa leh wow pynchna ya kitu ki yung skur sorkar kiwa da sih neibhah ki skur wa da lai pait ka seiñ kiwa em kamwa 30 tylli da yoo chitom bha i rukom chong ki khynnah hapoh ki kamra khamtam ki skur LP.
Ka seiñ da kdaw ko leh wa hapoh ka District ym em ko ya ka yung krehkaam wa pura neibynta ka District School Education Officer.
Discussion about this post