Chwa ka Dorbar Tlang ka sorkar jylla u ieh u Prestone kam u MLA

Shillong: Ha ka yalang ka NPP kawa man ha Sohryngkham kawa emlang u MLA ka Pynursla, u Prestone Tynsong uwa dang man kam u dkhot ka Congress da pynbna u wa daw psiah noh u cha ka NPP ha kini ki sngi wow wan.

U Prestone hawa klam ha kani ka yalang da ong u da emkaam ya ka kylla neibhah kani ka sorkar wa katni wa yahkhmat da u Dr. Mukul ym em leh ko iyi iyi leh khamtam nadooh u snem 2013 hadooh 2017.

Chooh chooh da ong u wa ki paidbah da chem ki chiboon i eh i khoo katni neidaw wa ya ka sorkar da pyllai ya ka kam ka “Private Company” yong uwi u bru neibhah hawa emkaam ya ki Scheme na ki tnat waphær waphær haap paan na uwi donhi u bru u Dr. Mukul Sangma ym toh na ki montri wa pait ya kini ki kaam.

Da ong u wa i wanrah ya ka Organic Farming (ka rep khlem pynemkaam sboh wa chna da u bru) toh kawa leh jhan wei kam u montri ha i tu i por da e yumut u ya u Dr. Mukul wow sñiawthooh chwa ya ki paidbah wei ymtoh u pyndooh jait noh ya ki sboh wa ki subsidy tangwa ym bien u ap yeini.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hawa yaklam won wa kiwa pathai khubor hadien ka yalang hajrong wa kyrchaan u ya u kyrtong ka NPP na Mawryngkneng, u Prestone da ong u wa i lai wow klam u ha kani ka yalang toh wa ya sñiawjooh u wa u Pyniaid.

Da ong u leh wa chwa wow psiah u cha ka NPP daw ieh u leh ya ka kaam MLA ha chwa ka dorbar tlang ka jylla.