Chwa ka National Games booh thong ka sorkar wow pyndep ya ka Umroi Airport wa ka Mawlai Bypass

Shillong: U montri rangbah ka jylla, u Conrad K Sangma ynne ka sngi da lai sylli u ya ki le tylli ki thaw wa kynthup ya ka Mawlai bye-pass, VIP Road wa ka Umroi Airport. Ini i lai u Conrad man ko kam chibynta wow booddien yei khynnia ki sarok kiwa wan cha Shillong wei wow pynsmat yow pynheh ya ka thaw hiar ka lieñsuiñ kawa em ha Umroi kamwa da kular ha ka dorbar ha kini ki sngi.

Ha kani ka sngi da synran lang ya u montri rangbah da u Additional CS ka jylla, u PW Ingty, ki sahep ka tnat PWD wa u MLA yong ka Umroi wa Mawlai.

Hawa yaklam wa kiwa pathai khubor, u Conrad da ong u wa ka sorkar sñiawkhia ko yei eh ki paidbah wa chem ki wa khynnia ki sarok kiwa pynyabi ya ka sor Shillong wei u pyrchang wow pynsmat u chna ya ki sarok khnang wow pynsuk ya kiwa lai wa wan.

Hei yatoh waka Mawlai bypass, neiliang u Conrad da ong u wa daw phah ya ki sahep ka tnat PWD (Roads) wow pynsmat u pyndep ya kani ka sarok. Da ong u leh wa ki Contractor leh toh u chimkhia wow kreh smat ya kani ka sarok neibhah man ko ka kaam wa jhan wow pyndep.

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

U Conrad da ong wa hei yatoh wow pynheh ya ka Umroi Airport wa ha kani ka tayaw wow wan daw lai u cha Delhi wow yaklam wa u montri ka Civil Division kamjooh u montri ka tnat yada ri wow pynsmat ya ka kaam.

Da ong u wa ka sorkar da em ko i thmu wow pyndep ya kani Airport chwa ka National Games ka wow man ha u snem 2022. Da ong u leh wa ka sorkar da em ko i thmu wow pynheh chooh chooh leh ya ka sarok VIP Road kawa man ka kam ka wi na ki sarok wa emkaam ka wow pynyabi wa ka sor Shillong.

Neiliang u MLA ka Umroi, u George B Lyngdoh da pynsñiaw u yei sñiawngooh ya u montri rangbah neibhah wa chimkhia u ya iwa emkaam wa jhan yong ki paidbah.

Da ong u leh wa u montri rangbah da kular u wow yaklam wa ka tnat chipai wow e thaw neibynta wow chna ya ka surok neibhah deiwa pynheh ya ka thaw hiar ki liengsuin daw duh noh ka surok kawa katni wei ki paidbah daw chem chitom ki ha ka lai ka wan yong ki.

Neiliang yong oo da ong u wa ka sarok na ka chnong Umden Mission wa Umden Pyllun man ko kawa emkaam wow poi cha Shillong.