Chwa wow klam beiñ phi ya nga pyrkhat chwa chiphaw chah ya ki kaam wa da leh kiwi: Dr. Lapang

Shillong: U montri rangbah warim ka jylla, u Dr. DD Lapang ynne da kob u ya ka Congress wow bood ya ki kaam wa da leh u.

Hadien wa chah pynbaad boonjait u ha u heh ka Congress, u Zenith Sangma wa ieh u ya ka party neidaw wa kwah u wow em heibor wei wow yoh myntoi u ha ka poisa poilaiñ, u Lapang da jubab u deiwa ong, “Man i i klam khlem yurim na oo (Zenith), toh u pait ki ya ka luti wa ki kaam wa da leh O heiwa da man montri rangbah O la san sien wei kam u montri sorkar la le sien, ieh yn pait ki yei kaam yong nga wei ye ki u pynbaad lada em iwon iwon i leh bakla O.”

“Tieñ O wa ki bru wa klam kamni toh kiwa da jooh leh ya kam kini ki kaam wow pynkylla ya ka chakri paidbah cha ka kaam wow yoh myntoi samen (business),” da ong u Lapang, deiwa pynrap wa chwa wow kylli ki na nga iwon iwon emkaam wow kylli ki pyn naki hi chiphaw chah. Chooh chooh u Lapang da ong u wa ym kwah u wow yañia iwon iwon wa u Zenith tangwa emkaam wow pait ya ki kaam wa da leh u (Lapang).

Da saitkhooid u leh wa ym embynta u ha ki kaam pynhaap sorkar ha ki snem wa dadep.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

“Nga ym jooh em bynta O hei wow pynhaap ya uwon uwon tangwa da ye ki wow pynhaap nga da boon sien. Ym em wa choon nga ha ki por wa chakri paidbah O wei ym klam sih O pyrchah ya kiwi,” da ong u Lapang.