Ka Meghalaya da ye ko wow khnioñ ya ka Mizoram ha ka Col CK Nayudu Trophy ha Cuttack ynne ka sngi.
Deiwa pteiñ da 283/6 deiwa tam da 57 Run, kiwa Bat cha tdong ka Meghalaya da neh ki hadooh wa poi 375 deiwa kamai u 39 (Not Out) u Sudhir Sahani waka 31 Run na u Abhishek Kumar.
Kamtæ ka Mizoram da emkaam ko 149 Run ha ka Innings wa ar yow phah Bat biang ya ka Meghalaya. Hadooh wa kut ka yalehke ynne ka sngi da yoh ki 170/8 deiwa tam da 21 Run.
Na ki 70 Over wa Bat ka Mizoram, u Bipin Kumar Ray da kawang u 29 Over deiwa yoh 4/68, u Agreas Chamcham Sangma 2/52 na 22 Over, u Swastic Chettri 1/5 na ki 2 Over wa u Abhishek Kumar 1/9 na ki 8 Over.
Ka Mizoram da kamai ko 79 Run neibynta ka Wicket wa ar tangwa da dooh ko 7 Wicket deiwa kamai 46 Runs yow pynkut da 135/8. Da kamai sa 35 Run neibynta ka Wicket wa khynde heiwa ka Meghalaya da yooluti ko wow pynhaap ya u F. Lalruatfela (32 Not Out) yow kynjoh yei jop.
