Col CK Nayudu Trophy: Lehbha u Agreas, Ibitlang, Abhishek ya ka Meghalaya

Ka Meghalaya da pyn-eh ko ha ka sngi wa ar ka yalehke yong ki ha ka Col CK Nayudu Trophy pyrchah ya ka Arunachal Pradesh ynne ka sngi deiwa yoh 5 Wicket da u Agreas Chamcham Sangma wa ki 50 Run na u Ibitlang Thabah wa u Abhishek Gupta.

Ka Arunachal da pteiñ ko ya ka sngi wa ar ha Cuttack na iwa ieh ko da 325/6 heiwa ynne da ye ko wow kamai sa 59 Run chwa wow haap luti ki Wicket deiwa kamai 384.

U Agreas da yoh sa ar Wicket ynne iwa man waroh 5/68 katwa u Abhishek Kumar (1/55) da yoh u ya u Wicket wa sah.

Kiwa Bat ka Meghalaya da haap smat uwi tangwa da wan wow yaleh pyrchah u Thabah (71) wa u Gupta (82 Not Out).

Related posts

Khut ka Kyrmen Foundation wa ka Rangdajied United FC ya ki khynnah chynrang wa kynthai ka East Jaiñtia cha ka Trial ka Kynsai Football Coaching

March 17, 2026

District Cricket League: Jop ka Khliehtyrchi wa ka Goodwill Mupliang

March 14, 2026

Kini ki arngut da kamai ki 154 Run niebynta u Wicket wa ar hadooh wa haap u Thabah da ka Run Out.

U Swastic Chettri (15 Not Out) da wan u wow pynyoh lok ya u Gupta hadooh wa kut ka yalehke yow pynyoh ya ka Meghalaya da 197/2, tangwa da em ko 187 Run chadien ka Arunachal.