Soo ngut ki kynthai ka Meghalaya kiwa yalehbol daw chimbynta ki ha kani ka samoi ka Indian Women’s League, kawa daw sdang nadooh mynstep ka sngi.
Le ngut na kini toh kiwa yalehke ya ka PIFA Sports FC kawa na Maharashtra wa kynthup ya ka Nisilia Majaw, ka Wandashisha Marwein waka Iawanlang Nongbet. Ka Sanfida Nongrum won toh kawa mihkhmat ya ka Sirvodem SC ka dhab kawa na Goa.
Kini ki soo ngut toh ki khloor yalehke ka Meghalaya hei yalehbol wei dadep ki wow mihkhmat ya ka jylla kamjooh ha ki Club Football ha Maharashtra wa Karnataka.
Neiliang ka Meghalaya Football Association da pyn-ehdaw ko ya kini ki soo ngut neibynta kani ka lympung yalehbol kawa daw pynman ha Bhubaneswar wei daw em 12 tylli ki dhab wa chimbynta.
(Ha i dur na tiding cha timun- Ka Wansashisha Marwein, ka Iwanlang Nongbet, ka Nisilia Majaw waka Sanfida Nongrum)
