15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Khang pyrchah ka Mukhla Mission ya kiwa na baar wow psiah chapoh ka chnong

Advertisement ad1
Advertisement ad1

Kam chibynta wow yada nei poor ka khlam COVID-19, ka Dorbar Chnong Mukhla Mission West Jaiñtia Hills District, da khang pyrchah ko ya ki bru kiwa na baar yong ka chnong Mukhla Dorbar Pyllun wow psiah wow mih chapoh ka chnong ka thaw, khamtam ya ki bru kiwa wan na ki chnong kiwa man kam ki Containment Area.

Katwa kamtæ, ka Dorbar Chnong da kyrpaad ko ya ki bru kiwa na baar kiwa wan emkaam hapoh ka chnong wa hap ki wow pyntip chwa cha ki bor pynlai chnong (Waheh Chnong, Chairman Chnong, Secretary Chnong wa ki Dkhot EC ka dorbar chnong) kamjooh wow bood ryntih ya ki kyndon kiwa da pynbna ka chnat i chait i khiah.

Advertisement ad1
Advertisement ad1

Kamjooh ka dorbar chnong Mukhla Mission da khang ko leh ya ki bru kiwa na baar ka chnong Mukhla pyllun wow wan cha i jia wa sñiawsih (yap bru), lait noh kiwa emyatoh wa ka yung wa em i jia, kiwa man ki tre yung (ki payu, diah, ki ma, ki woh) kiwa chah wow wan deiwa pyntip wa tikna na ka yung kawa em i jia.

Ini i khang pyrchah ka Dorbar Chnong u neh ki katwa dang joor kani ka khlam COVID-19 hapoh ka District wa ka jylla yong i donhi wei hadooh wow pynbna deiwi tawan.

Kamtæ neiliang ka Dobar Chnong kyrpaad ko ya phi ki paidbah wow sñiawbha phi wow ya krehlang waka chnong ka thaw neibynta wow yaleh pyrchah ya i poor kani ka khlam COVID-19.

Ka khubor lyngba u Waheh Chnong Dorbar Chnong Mukhla Mission, u E. Bang.

Share this:
Previous

2112 ngut kiwa dang yoh COVID-19 ha Assam, palat 29 hajar ngut kiwa da chait

Next

COVID-19: Da tam 16 lak ngut kiwa da yoh ha India, 64.55% kiwa da chait