15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: Da tam 37 lak kiwa da yoh ha India, 29 lak kiwa da chait

Advertisement ad1
Advertisement ad1

Kiwa dang chah ktah ha u COVID-19 ha kini ki 24 kynta ha India da em ki 78,357 ngut hadien wa hiar ynnin chi sngi hapoh 70 hajar ngut katkam ka yukheiñ ka Ministry of Health & Family Welfare.

Kiwa dang chait da em ki 62,026 ngut iwa da pynpoi ya ki cha ka 29 lak ngut, kiwa dang yap da em 1,045 ngut katwa kiwa dang em ya uni u khñiang da ku da 15,286 ngut iwa pynpoi ya ki 8 lak tam.

Ki jylla wa da em palat 1 lak ngut kiwa yoh ya uni u khñiang hapoh ka ri da em ki 11 tylli deiwa em saka Odisha kawa da em 106561 ngut heiwa ka Maharashtra dang man hi ko kawa chah ktah dooh kawa em 808306 ngut kiwa da dep yoh wa 584537 ngut kiwa da chait heiwa ha kini ki 24 kynta da em 10987 ngut kiwa dang chait, ha Andhra Pradesh 9350 ngut, Tamil Nadu 6031 ngut, Karnataka 5159 ngut, Uttar Pradesh 4537 ngut wa ha West Bengal 3283 ngut.

Ki jylla wa ku dooh kiwa dang yoh toh ha Maharashtra 4467 ngut, Karnataka 3764 ngut, Chhatisgarh 1296 ngut, Delhi 1244 ngut wa ha Assam 1241 ngut.  

Kiwa chait hapoh ka ri da em ki 76.98% iwa ku naka 76.94% kiwa em 29,01,908 ngut. Kiwa dang em ya uni u khñiang da em ki 21.26% iwa hiar naka 21.29% kiwa em 8,01,282 ngut wa 1.76% kiwa yap kiwa em 66,333 ngut. Waroh da em 37,69,523 ngut kiwa da ep yoh COVID-19 hapoh India.

Kiwa chait da tam ki da 21,00,626 ngut ya kiwa dang em ya uni u khñiang iwa ku da 46,740 ngut nadooh ynnin ka sngi.

Share this:
Previous

Hapoh 10 sngi u tip ya i mynried ka Dawki PHC

Next

Dawa ka FKJGP wow pynku kyrdan yaka Padu State Dispensary cha ka PHC