15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ka FKJGP wow pynku kyrdan yaka Padu State Dispensary cha ka PHC

Advertisement ad1

ka seiñ FKJGP -War Jaiñtia Circle hapoh i yahkhmat u Reachingson Kongwang, General Secretary wa u Shlur Mukhim u President ka seiñ, da yachem ki markhmat wa ki sahep sorkar heiwa da em leh u MLA ka thaaiñ u Lahkmen Rymbui yow pynsñiaw yei dawa ka seiñ nadooh u snem 2012 yow pynku kyrdan noh ya ka Padu State Dispensary cha ka Primary Health Centre.

Ini i yohlaad ka seiñ wow leh ya ini toh ynnin ka sngi heipor wa u MLA ka thaaiñ deilang wa u montri ka chnat i chait i khiah u AL Hek da lai pait ki ya ki thaw sumaar wa em ha Amlarem Sub-Division nadooh ki PHC hadooh ka CHC yow sñiawthooh kammon wow wanrah yei pynbha pynmiat ya kini ki thaw sumaar.

Ka seiñ da dawa ko na ki bor sorkar nadooh u snem 2012 wow leh ya iwa emkaam heiyatoh wa ini i kaam tangwa hadooh katni leh ka sorkar ym ap ko wei ym pynku kyrdan ko ya kani ka thaw sumaar, kamtæ neiliang ka seiñ da booddien biang ko ya kani ka kaam deiwa e kti biang daka chihti wow pynsñiaw ha ka sorkar hajrong  ini i bynta.

Ha i jooh i por ka seiñ da lum ko leh ya i yalang deilang wa u Doctor In-charge kani ka Dispensary deiwa emlang ki waheh chnong, ki Secretary chnong wa kamjooh leh ki bru waheh ka thaaiñ wow ya phyllu yumut hajrong ini i kaam wei da rai leh wow ya chong yalang biang ha kani ka 5 tarik uni u bnai.

Share this:
Previous

COVID-19: Da tam 37 lak kiwa da yoh ha India, 29 lak kiwa da chait

Next

Beiñ joor ka JYF ya ki wakreh ha Bataw PHC