Ha kini ki 24 kynta ha India hadooh i step ka 19 tarik, kiwa dang chait da tam ki ya kiwa dang yoh ya u COVID-19 heiwa kiwa chait da em ki palat 95 hajar ngut iwa man leh iwa boon dooh haka chi sngi katkam ka yukheiñ ka Ministry of Health & Family Welfare.
Kiwa dang chait da em ki 95,880 ngut iwa da pynpoi leh yaki cha ka 42 lak ngut, kiwa dang yap da em sa 1,247 ngut katwa kiwa dang em ya uni u khñiang da hiar ki da 3,790 ngut.
Kiwa boon dooh kiwa dang chait toh ha Maharashtra kiwa em 22,078 ngut, ha Andhra Pradesh 11,803 ngut, Karnataka 10,949 ngut, Uttar Pradesh 6806 ngut wa ha Tamil Nadu 5525 ngut.
Na ki 17 tylli ki jylla wa hiar kiwa dang em ya uni u khñiang, kiwa boon dooh toh ha Andhra Pradesh 3774 ngut, Karnataka 2502 ngut, Maharashtra 862 ngut wa ha Bihar 547 ngut.
Kiwa chait hapoh ka ri da em ki 79.28% iwa ku naka 78.86% kiwa em 42,08,431 ngut; kiwa dang em ya uni u khñiang da em ki 19.10% iwa hiar naka 19.52% ngut kiwa em 10,13,964 ngut; wa 1.61% kiwa yap kiwa em 85,619 ngut. Waroh da em 53,08,014 ngut.
Kiwa chait da tam ki da 31,94,467 ngut ya kiwa dang em ya uni u khñiang iwa ku da 99,670 ngut nadooh ynnin ka sngi.
