Ynne ka sngi deiwa em palat 42 lak ngut kiwa da chait na u COVID-19 ha India, da man ko leh ka ri wa boon dooh kiwa chait na uni u khñiang na waroh ki ri kiwa chah ktah deiwa em leh kamwa 19% na kiwa da chait hapoh pyrthai.
Ka India da pyntam ko yaka USA kam ka ri wa boon dooh wa em kiwa chait na u COVID-19 deiwa em 42,08,431 ngut kiwa chait wa kynthup ya ki 95,880 ngut kiwa chait ha kini ki 24 kynta iwa man leh iwa boon dooh haka chi sngi wa em kiwa chait hapoh ka ri.
Hapoh ka ri, 90% na kiwa dang chait toh toh kiwa napoh 16 tylli ki jylla, wei 60% toh kiwa na Maharashtra, Tamil Nadu, Andhra Pradesh, Karnataka wa Uttar Pradesh.
Ka Maharashtra samen da em ko palat 22,000 ngut kiwa dang chait (23%) waka Andhra Pradesh palat 11,000 ngut kiwa chait (12.3%) haka chi sngi.
90% na waroh kiwa da dep chait toh kiwa na 15 tylli ki jylla kiwa boon dooh kiwa em ha Maharashtra, Tamil Nadu, Andhra Pradesh, Karnataka wa Uttar Pradesh.