15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: Da tam 50 lak kiwa yoh, hiar cha ka 19.84% kiwa dang chah ktah ha India

Advertisement ad1
Advertisement ad1

Hadien chi sngi wa hiar hapoh 90 hajar kiwa chah ktah, ha kini ki 24 kynta da ku biang deiwa em 90,123 ngut iwa da pynpoi leh ya kiwa da yoh ya u COVID-19 ha India cha ka 50 lak ngut katkam ka yukheiñ ka Ministry of Health & Family Welfare.

Kiwa dang chait da em ki 82,961 ngut iwa man leh iwa boon dooh haka chi sngi kiwa da poi 39 lak ngut; kiwa dang yap da em ki 1,290 ngut katwa kiwa dang em ya uni u khñiang da ku ki da 5,872 ngut.

Kiwa boon dooh kiwa dang chait toh ha Maharashtra 19423 ngut, Karnataka 16271 ngut, Andhra Pradesh 9628 ngut, Uttar Pradesh 6680 ngut, Tamil Nadu 5735 ngut wa ha Odisha 3714 ngut.

Ki jylla wa ku dooh kiwa dang em ya uni u khñiang toh ha Chhattisgarh 2264 ngut, Kerala 671 ngut wa ha Jammu & Kashmir 629 ngut. Na ki jylla wa hiar dooh kiwa dang em ya uni u khñiang toh ha Bihar 920 ngut, Andhra Pradesh 851 ngut wa ha Karnataka 667 ngut.

Waroh kiwa chait hapoh ka ri da em ki 78.53% iwa ku naka 78.28% kiwa em 39,42,360 ngut; kiwa dang em ya uni u khñiang da em ki 19.84% iwa hiar naka 20.08% kiwa em 9,95,933 ngut; kiwa yap da em ki 1.63% kiwa em 82,066 ngut. Waroh da em 50,20,359 ngut kiwa da dep yoh COVID-19.

Kiwa chait da tam ki da 29,46,427 ngut ya kiwa dang em ya uni u khñiang iwa ku da 77,089 ngut nadooh ynnin ka sngi.

Share this:
Previous

Da pynbna Micro Containment Area ya kiwa boon ki yung ha Shillong

Next

Da 4 chah boon kiwa chait ya kiwa dang chah ktah ha u COVID-19 ha India