Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang wei yow ye u leh yeiwa emkaam yow yada nei poor uni u khñiang.
Ka District Magistrate, East Khasi Hills da pynbna ko yei yung u Rakesh Prasad Sah, u Anindya Deb wa u Ranadhir Pal kiwa sah ha i RCC Building u Ahmed, Upper Lachaumiere; hajan Angel’s Play School ki thaw sah (Apartment) u Kamlesh Roy (uwa chong wai ka Julie Nongbet) ha Bishnupur Invernei wa ki yung ka D. Lyngdoh Nongpiur, Lawsohtun Block 6 wow man ki kam ki Micro Containment Area yow khang yei psiah i mih khlem yoh bor cha kini ki thaw nadooh ka 15 tarik uni u bnai.
Ha kawi won ka hukum, ka District Magistrate, East Khasi Hills District da pyndam ko yei man Containment Area ya i yung u Baldeep Singh ha Plot-1 Block A ka Sweeper Colony, Mawlonghat nadooh ka 15 tarik uni u bnai.
Ha kawi won ka hukum hadien wa da dep wow leh yeiwa emkaam wei da yoh leh yaki Test Report, ka Deputy Commissioner, East Khasi Hills District da pynmih hukum ko haka 15 tarik uni u bnai yow chah biang u wai i dukan Fashion, G.S. Road, Shillong deiwa bood yaki kyndon.