theme-sticky-logo-alt
theme-logo-alt
Advertisement ad1
Advertisement ad1

COVID-19: Da tam 54 klur sien wa da dep e tika hapoh India

Advertisement ad1
Advertisement ad1

Ka ri India da dep ko wow e tika yada COVID-19 la 54 klur sien (54,38,46,290) deiwa e 73,50,553 sien ynnin ka sngi. Na waroh kiwa da dep yoh tika kiwa boon dooh toh kiwa em 18-44 snem i rta kiwa em 19,58,22,860 ngut kiwa da dep yoh chisien wa kiwa em 45-59 snem i rta kiwa em 11,70,84,332 ngut kiwa da dep yoh tika chisien.

Kiwa dang yoh ya u khñiang khlam ha India ha kini ki 24 kynta da em ki 36,083 ngut kiwa da neh hapoh 50,000 ngut la 49 sngi khlem sangeh. Kiwa dang chait da em ki 37,927 ngut, kiwa dang yap da em ki 493 ngut iwa mut wa kiwa dang em ya uni u khñiang da hiar ki da 2337 ngut.

Advertisement ad1

Ynnin ka sngi da em 12 tylli ki jylla wa boon da kiwa dang yoh ya kiwa chait kiwa boon dooh wa tam da kiwa dang yoh ha Maharashtra (256), Kerala (242) wa ha Himachal Pradesh (87).

Ki jylla wa boon dooh kiwa dang chah ktah toh ha Kerala (1,80,764), Maharashtra (66,731), Karnataka (22,724), Tamil Nadu (20,427), Andhra Pradesh (18,210), West Bengal (10,078), Assam (9776), Odisha (9487), wa ha Telangana (7,606).

Ki jylla wa duna dooh wa em kiwa dang chah ktah toh ha Andaman & Nicobar Islands (02), Dadra and Nagar Haveli and Daman and Diu (03), Lakshadweep (41), Chandigarh (44), Ladakh (80), Madhya Pradesh (111), Gujarat (185), Rajasthan (208), Jharkhand (217), Bihar (251), Uttarakhand (395), Delhi (478), Uttar Pradesh (446), Punjab (572), Haryana (654) wa ha Puducherry (936).

Ynnin da leh 19,23,863 tylli ki Test heiwa kiwa chah ktah da em ki 1.88% kawa tip leh kam ka Positivity Rate kawa da neh hapoh 3% la 20 sngi.

Waroh kiwa da chait da em ki 97.46% kiwa em 3,13,76,015 ngut, kiwa dang chah ktah da em ki 1.20% kiwa em 3,85,336 ngut, kiwa da yap 1.34% kiwa em 4,31,225 ngut, deilang waroh dapoi 3,21,92,606 ngut kiwa da dep yoh ya uni u khñiang hapoh ka ri.

Kiwa da yoh tika hadooh ka 14-08-21
Share this:
Previous

Wa da tikna wa daw em biang i tympdung bomb ha Shillong, kamtæ ki pulit da lai ki wow kem: Conrad

Next

Pynsaja ya u Julius Dorphang da iwa eh, dawa ka RAM