theme-sticky-logo-alt
theme-logo-alt
Advertisement ad1

COVID-19: Ku kiwa da chait cha ka 86 lak ngut, hiar kiwa dang chah ktah cha ka 4.78% ha India

Kiwa dang chait da boon biang ki ya kiwa dang yoh ha India hadien ar sngi heiwa ha kini ki 24 kynta kiwa dang chait da em ki 42,314 ngut, kiwa dang yoh da em ki 37,975 ngut, kiwa dang yap da em ki 480 ngut iwa mut wa kiwa dang em ya uni u khñiang da hiar ki da 4,819 ngut.

Ini i boon kiwa chait da pynpoi ko leh wow em ki palat 86 lak ngut wei kiwa boon dooh kiwa dang chait ha kini ki 24 kynta da em ki Delhi 7,216 ngut, Kerala 5,425 ngut, Maharashtra 3,729 ngut, West Bengal 3,687 ngut, Haryana 2,567 ngut, Rajasthan 2,288 ngut wa ha Uttar Pradesh 2,060 ngut.

Ha kini ki 24 kynta da em leh 21 tylli ki jylla wa boon da kiwa chait ya kiwa dang yoh kiwa boon dooh wa tam kiwa chait ha Delhi da 2883 ngut, Kerala 1690 ngut, Andhra Pradesh 855 ngut, Himachal Pradesh 354 ngut, Tamil Nadu 297 ngut, J&K 269 ngut wa ha Odisha 262 ngut.

Waroh kiwa da chait da em ki 93.76% iwa ku naka 93.69% kiwa em 86,04,955 ngut, kiwa dang em ya uni u khñiang da em ki 4.78% iwa hiar naka 4.85% kiwa em 4,38,667 ngut, wa 1.46% kiwa yap kiwa em 1,34,218 ngut, deilang waroh da poi 91,77,840 ngut kiwa da dep yoh ya uni u khñiang hapoh ka ri.

Kiwa da chait da tam ki da 81,66,288 ngut ya kiwa dang em ya uni u khñiang iwa ku da 47,133 ngut nadooh ynnin ka sngi.

Advertisement ad1
Share this:
Previous

E kyrchaan pura ka KJNU ya ka CoMSO yow pynyoh ILP

Next

COVID-19: Yoh kyrmen ka India hadien wa i dawai wa chna daka Oxford krehkaam i hadooh 90%