15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: La 51 lak kiwa yoh, 40 lak kiwa chait wa 97,894 ngut kiwa chah ktah haka chi sngi ha India

Advertisement ad1

Kiwa dang yoh COVID-19 ha India ha kini ki 24 kynta da em ki iwa boon dooh haka chi sngi deiwa em 97,894 ngut iwa da pynpoi ya kiwa da dep yoh ya uni u khñiang cha ka 51 lak ngut.

Kiwa dang chait da em ki 82,719 ngut iwa da pynpoi leh yaki cha ka 40 lak ngut, kiwa yap da em sa 1,132 ngut katwa kiwa dang em ya uni u khñiang da ku ki da 14,043 ngut.

Ki jylla kiwa boon dooh kiwa chait toh ha Maharashtra 17,559 ngut, Andhra Pradesh 10,845 ngut, Karnataka 6,580 ngut, Uttar Pradesh 6,476 ngut, Tamil Nadu 5,768 ngut wa ha Odisha 4121 ngut.

Ki jylla wa boon dooh wa ku kiwa dang em ya uni u khñiang toh ha Maharashtra 5,332 ngut wa ha Karnataka 3,090 ngut, katwa ki jylla wa boon dooh wa hiar kiwa dang em ya uni u khñiang toh ha Andhra Pradesh 2074 ngut, ha Uttar Pradesh 333 ngut wa ha Tamil Nadu 173 ngut.

Waroh kiwa da chait hapoh ka ri da em ki 78.64% iwa ku naka 78.53% kiwa em 40,25,079 ngut; kiwa dang em ya uni u khñiang da em ki 19.73% iwa hiar naka 19.84% kiwa em 10,09,976 ngut; kiwa yap da em ki 1.63% kiwa em waroh 83,198 ngut. Waroh da em 51,18,253 ngut kiwa da dep yoh COVID-19.

Kiwa chait da tam ki da 30,15,103 ngut ya kiwa dang em ya uni u khñiang iwa ku da 68,676 ngut nadooh ynnin ka sngi.

Share this:
Previous

Da pynlait ya u khoo wow saam mynkna ha West Jaiñtia Hills

Next

Oor i khyndaw ha u sarok RBBJ Road, thut i lai i wan ki paidbah