15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Oor i khyndaw ha u sarok RBBJ Road, thut i lai i wan ki paidbah

Advertisement ad1
Advertisement ad1
Advertisement ad1

Ynne i step heipor kamwa 2-3 waje da em i oor khyndaw ha u sarok Rymbai-Bataw-Borkhat-Jelalpur Road namo u “RBBJ Road”.

Ini i oor khyndaw da jia i ha i thaw wa tip kam ka “Wah Lalang” haneiñ ka chnong Borkhat, East Jaiñtia Hills District.

Hawa yoh u yaklam wa u President ka SBYWA u S. Shadap da ong u wa ini i oor toh neidaw wym em ki dooid ki liar (Side Drain) kiwa biang kamjooh leh ki Hume Pipe kamtæ ka wah wa em ha kani ka thaw da chlai ko cha sarok manda joor u slap.

Ki chnong wa pynemkaam ya uni u sarok toh ka Hingaria, Kwator, Pdengwahkhynriam, Demlakang Natbor wa ka chnong Borkhat.

U Shadap da ong u leh wa ki warep pathi da haap ki u liwan kylla cha chnong chirup wa ki mar rep yong ki ya kiwa thmu wow kit cha yaw du neidaw wa oor ini i khyndaw wei ini da wanrah i yei dooh wa khroo bha ki.

Neiliang ka seiñ Southern Border Youth Welfare Association (SBYWA) East Jaiñtia Hills, da dawa ko ya ka chnat  PWD wow lai pynkhooid noh ya ini i khyndaw khnang wow lait ki paidbah u chah ktah.

Da dawa ko leh na ka sorkar wow chna noh da ki tunnel kamwa da chna ha Sonapur khnang yow lait de u jia kam ini neini chaphrang.

Share this:
Previous

COVID-19: La 51 lak kiwa yoh, 40 lak kiwa chait wa 97,894 ngut kiwa chah ktah haka chi sngi ha India

Next

Pynkup burom ka kur Nongtdu ya u khon yong ka uwa chah jied wow yalehke haka AFC Championship