15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: La ar sngi boon da kiwa dang yoh ya kiwa chait ha India

Advertisement ad1
Advertisement ad1

La ar sngi ha kani ka tayaw (ynnin wa ynne) da boon da kiwa yoh ya kiwa chait na u COVID-19 ha India heiwa ha kini ki 24 kynta kiwa dang yoh da em ki 41,383 ngut, kiwa dang chait 38,652 ngut wa 507 ngut kiwa yap iwa mut wa kiwa dang em ya uni u khñiang da ku ki da 2,224 ngut. Kiwa dang yoh da neh ki hapoh 50,000 ngut la 25 sngi.

Ynnin ka sngi da em leh 14 tylli ki jylla wa boon da kiwa dang yoh ya kiwa chait kiwa boon wa tam da kiwa dang yoh ha Kerala 3245 ngut, Mizoram 363 ngut, Manipur 280 ngut, Meghalaya 177 ngut, Maharashtra 155 ngut, Sikkim 154 ngut wa ha Telangana 121 ngut.

Ki jylla wa boon dooh kiwa dang chah ktah toh ha Kerala (1,30,139), Maharashtra (98,087), Karnataka (25,668), Tamil Nadu (26,158), Andhra Pradesh (23,939), Odisha (17,795), Assam (16,693), West Bengal (12,391) wa ha Telangana (9,908).

Ki jylla wa duna dooh wa em kiwa dang chah ktah toh ha Andaman & Nicobar Islands (18), Dadra and Nagar Haveli and Daman and Diu (34), Chandigarh (41), Lakshadweep (71), Ladakh (91), Madhya Pradesh (185), Jharkhand (315), Rajasthan (358), Gujarat (389), Delhi (566), Uttarakhand (643), Bihar (590) wa ha Haryana (789).

Ynnin ka sngi da leh 17,18,439 tylli ki Test heiwa kiwa chah ktah da em ki 2.41% kawa tip leh kam ka Positivity Rate kawa da neh hapoh 3% la 31 sngi.

Heiyatoh wa i e dawai tika hapoh ka ri, da dep wow e la 41,78,51,151 sien heiwa ynnin ka sngi da e 22,77,679 sien.

Waroh kiwa da chait da em ki 97.35% kiwa em 3,04,29,339 ngut, kiwa dang chah ktah 1.31% kiwa em 4,09,394 ngut, kiwa yap 1.34% kiwa em 4,18,987 ngut, deilang dapoi 3,12,57,720 ngut kiwa da dep yoh ya uni u khñiang hapoh ka ri.

Share this:
Previous

Kyrchaan ka HITO yei khang ka seiñ khynroo yaka Marten

Next

Da ye wow chim ya ka NCC kam ka Elective Subject