theme-sticky-logo-alt
theme-logo-alt
Advertisement ad1

Kyrchaan ka HITO yei khang ka seiñ khynroo yaka Marten

Advertisement ad1
Advertisement ad1

Ka seiñ Hynñiewtrep Integrated Territorial Organization (HITO) da pynsñiaw ko yei yaroh hajrong i chimkhia wow pait yei rukom noh jhep ha Marten, wei wot hadien wa ka seiñ da yachem ko ya u Montri ka chnat Pynroi Sor u Sniawbhalang Dhar, ym em leh u iyi iyi neibynta ka Dorkar Chnong wow thooh ki laad ki luti wow pynbha lane wow kdoh u khoom yei noh roi yei jhep kiwa wan nadooh Jaiñtia Hills wow noh ha Marten.

Ka HITO sñiaw ko wow e khublei wei yaroh yaka Seng Samla Mawlai Pyllun ya i luti wa da chim ko kam chibynta wow yada nei tngit wei chah pynsih ka bei rymaw lyngba itai i thaw noh jhep.

Advertisement ad1

Ka HITO da beiñ joor ko ya u Montri uwa da kular hi-eh ya ki khynroo ka Mawlai Pyllun wa ya kiwa chong chnong waroh kawi heiwa da kular u wow lai pait yow leh iyi iyi hajrong ka Marten, tangwa ym em leh u hadooh wa poi u pood wa ki khynroo wa kiwa chong chnong da lai khang tala syndon yow pynyoo yei pyrchah yong ki nei wym bna uni u Montri wa ka sorkar jylla.

Hawa e khublei kyrpang ya ka Seng Samla Mawlai Pyllun ya ini i mynsien rangbah yong ka, ka HITO da e ko leh yei kyrchaan wa pura ya ki khon khynroo wa kiwa chong chnong ka Mawlai pyllun ha kane ka thong ka yong ki.

Puræ leh: Khang tala ka SSMP yaka thaw noh jhep Marten

Share this:
Previous

Ym emkaam de wow Register chwa wow lai chim tika

Next

COVID-19: La ar sngi boon da kiwa dang yoh ya kiwa chait ha India