Hadien wa boon kiwa chah ktah ha ka khlam u COVID-19, da mih leh i ood ki paidbah wa da sy’ad dor ware ka bai sumaar ha ki Hospital ki bru samen iwa da wanrah leh ya i doohnong wa khroo ya ki paidbah heiwa i yarap na ka MHIS da man i iwa duna bha khamtam ya kiwa chah ktah ha ka khlam COVID-19.
Chooh chooh ki paidbah da ood ki deiwa ong wa ka MHIS toh u e yarap ko hadooh T. 5 lak tam hawa thiah chah sumaar kjut la heiwon iwon leh ki thaw wa da tipmit ka sorkar.
Heiyatoh wa ini waroh, neiliang u montri ka chnat i chait i khiah ka jylla, u AL Hek da ong u wa ka MHIS u kynthup ko ya ki kjut wa ki jait sumaar kiwa da jied kyrpang wow yoh yarap na kani ka Scheme.
Da ong u leh wa neiliang yong oo da rah u ya kani ka jooh ka phang ha ka yalang wa khut u Speaker ka Assembly ha ka tayaw wa dadep heiwa kammon u yoh yarap ki paidbah lyngba ka MHIS.
Da pyntip u leh wa heiyatoh wa ki laad yarap neibynta kiwa chah ktah ha ka khlam COVID-19 ka sorkar jylla daw yaklam ko wa kiwa kreh ka MHIS hajrong ini i kaam khnang wow ye u e yarap rap boon ya ki bru kiwa chah sumaar neidaw uni u khñiang kjut.
