theme-sticky-logo-alt
theme-logo-alt
Advertisement ad1
Advertisement ad1

COVID-19: Neh kiwa dang yoh hapoh 40,000 ngut ha India

Advertisement ad1
Advertisement ad1

La ar sngi kiwa dang yoh COVID-19 ha India da neh ki hapoh 40,000 ngut wa hapoh 50,000 ngut la 28 sngi wei da poi leh sa uwi u moomær hei e tika deiwa tam 43 klur sien wa da dep e tika hapoh ka ri.

Kiwa dang yoh ha kini ki 24 kynta da em ki 39,742 ngut, kiwa dang chait 39,972 ngut, kiwa yap 535 ngut iwa mut wa kiwa dang em ya uni u khñiang da hiar ki da 765 ngut.

Advertisement ad1

Ynnin ka sngi da em leh 15 tylli ki jylla wa boon da kiwa yoh ya kiwa chait kiwa boon dooh wa tam da kiwa dang yoh ha Kerala 2926 ngut, Manipur 312 ngut, Meghalaya 169 ngut wa ha Arunachal Pradesh 108 ngut.

Ki jylla wa boon dooh kiwa dang chah ktah toh ha Kerala (1,38,626), Maharashtra (96,833), Karnataka (23,928), Tamil Nadu (24,025), Andhra Pradesh (22,358), Odisha (17,201), Assam (15,726), West Bengal (11,891) wa ha Telangana (9,625).

Ki jylla wa duna dooh wa em kiwa dang chah ktah toh ha Andaman & Nicobar Islands (14), Chandigarh (32), Dadra and Nagar Haveli and Daman and Diu (48), Lakshadweep (81), Ladakh (68), Madhya Pradesh (149), Jharkhand (276), Rajasthan (328), Gujarat (342), Delhi (587), Uttarakhand (611), Bihar (530) wa ha Haryana (740).

Ynnin ka sngi da leh 17,18,756 tylli ki Test heiwa kiwa chah ktah da em ki 2.31% kawa tip kam ka Positivity Rate kawa da neh hapoh 3% la 34 sngi.

Heiyatoh wa i e tika, da dep wow e la 43,31,50,864 sien heiwa ynnin ka sngi da e 51,18,210 sien.

Waroh kiwa da chait da em ki 97.36% kiwa em 3,05,43,138 ngut, kiwa dang chah ktah 1.30% kiwa em 4,08,212 ngut, kiwa da yap 1.34% kiwa em 4,20,551 ngut, deilang dapoi 3,13,71,901 ngut kiwa da dep yoh ya uni u khñiang hapoh ka ri.

Share this:
Previous

Chi tayaw boon da kiwa dang yoh ha Meghalaya, ku kiwa dang chah ktah cha palat 5000 ngut

Next

Daw tip biang ya ka Sohra kam ka chnong wa joor slap dooh: Amit Shah