Ynne ka sngi u montri ki kaam pohyung ka sorkar pyrdi, u Amit Shah da lai u cha Sohra wow wai ya ka Project thung dieñ ha kani ka chnong ya kawa da tip kam ka Assam Rifles Green Sohra Plantation Drive.
Ha kani ka sngi da emlang u montri rangbah ka jylla, u Conrad Sangma, ki montri ka sorkar pyrdi wa kynthup ya u montri wa pait ya ka DoNER, u G Kishan Reddy, u montri ka Science and Technology, u Dr. Jitendra Singh wa kiwi kiwi.
Kani ka thaw thung dieñ heh ko kamwa 100 Hectare ha i lut wa T. 50 klur na ka sorkar jylla kamjooh na ka sorkar pyrdi.
U Amit Shah hawa e yei klam da ong u wa nachwa jooh puræ wa ka thaw wa yoh ya u slap wa joor dooh toh ka Sohra (Cherrapunji) tangwa ha ki 20-30 snem da dooh ko ya ini i naam tangwa dei em kani ka Project daw ye biang u wanrah ya itæ i naam yong ka.
Da ong u leh wa khnang wow wanrah biang ya ini i naam emkaam wa ki chipai ka Assam Rifles, wa kiwi ki chnat chipai-pulit (Paramilitary Forces), ka sorkar jylla wa sorkar pyrdi wow kreh lang ki wow yoh biang ya ini i naam.
Hapoh kani ka thong wow thung dieñ da booh wa ha ki 3 snem daw thung 10 lak tylli ki dieñ wei u man i khloo iwa heh hadooh 1,000 Hectare ha i lut wa T. 500 klur.
