15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: Pteiñ kiwa dang yoh wow neh hapoh 20,000 ngut ha India

Advertisement ad1

La 4 sngi kiwa dang yoh COVID-19 ha India ha uni u bnai da em ki hapoh 20,000 ngut heiwa kiwa dang yoh ha kini ki 24 kynta da em ki 16,375 ngut, kiwa dang chait 29,091 ngut, kiwa dang yap 201 iwa mut wa kiwa dang em ya uni u khñiang da hiar ki da 12,917 ngut.

Kiwa dang yoh kynthup lang ki ya 20 ngut kiwa dang yoh ya u khñiang khlam thymme wa mih na UK kiwa da poi waroh 58 ngut.

80% na kiwa dang yoh thymme toh kiwa em ha ki 9 tylli ki jylla kiwa boon dooh ha Maharashtra 4,875 ngut, Kerala 3,021 ngut, Chhattisgarh 1,147 ngut, Tamil Nadu 838 ngut, Uttar Pradesh 711 ngut, Gujarat 698 ngut, Madhya Pradesh 621 ngut, Karnataka 600 ngut, West Bengal 597 ngut wa ha Rajasthan 502 ngut.

83% na kiwa dang chait toh kiwa em ha ki 10 tylli ki jylla kiwa boon dooh ha Maharashtra 10,362 ngut, Kerala 5,145 ngut, Chhattisgarh 1,349 ngut, West Bengal 1,347 ngut, Karnataka 1,283 ngut, Uttar Pradesh 1,054 ngut, Tamil Nadu 985 ngut, Gujarat 898 ngut, Madhya Pradesh 857 ngut wa ha Rajasthan 755 ngut.

Waroh kiwa da chait da em ki 96.32% iwa ku naka 96.19% kiwa em 99,75,958 ngut; kiwa dang em ya uni u khñiang da em ki 2.23% kiwa hiar naka 2.36% kiwa em 2,31,036 ngut; 1.45% kiwa yap kiwa em 1,49,850 ngut, deilang waroh da em 1,03,56,844 ngut kiwa da dep yoh ya uni u khñiang hapoh ka ri.

Kiwa chait da tam ki da 97,44,922 ngut ya kiwa dang em ya uni u khñiang iwa ku da 42,008 ngut nadooh ynnin ka sngi.

Share this:
Previous

Ki tarik wow pynman Interview yei kreh Assistant Teacher hapoh West Jaiñtia Hills

Next

Da thut ki tarik pynman National Games: Rijiju