15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da thut ki tarik pynman National Games: Rijiju

Advertisement ad1

U Montri khynnah ka sorkar pyrdi wa pait yaka Sports & Youth Affairs u Kiren Rijiju hawa wan yooh kjat u ha Shillong ynnin ka sngi da ong u wa ye u thut wow pynman yaka National Games ha Meghalaya ha u snem 2022 neidaw ka khlam COVID-19.

Tangwa da ong u wa u Montri Rangbah ka jylla u Conrad K. Sangma da pynsñiaw yeiwa yaleh wow pynman kamwa da booh tarik.

U Rijiju da ong u leh wa i thmu kamwa da mut dang em hi ko tangwa neidaw u COVID-19 ki tarik da man ki iwa eh wow pynbait hadooh wa ka National Games 2020 leh ym em ye u pynman yaka ha Goa kamwa da thmu wei ya kani jan daw pynman noh ha uni u snem.

Chooh chooh da ong u wa lada ym ye wow pynman yaka National Games ha Meghalaya ha u snem wow wan, ym toh i bakla yong kiwon kiwon neidaw wa em ka khlam deiwa pynrap leh wa ka jylla yoh ko yei kyrchaan yong oo.

Kam wow pynkynmoo wa ka National Games 2022 u man leh ha u jooh u snem wa dap 50 snem ka Meghalaya kamtæ ka jylla kwah hi ko wow pynman yaka ha u 2022.

Share this:
Previous

COVID-19: Pteiñ kiwa dang yoh wow neh hapoh 20,000 ngut ha India

Next

Pdiang burom u MLA wa ka Dorbar Shnong Laban ya ka Miss India Global