Shillong: Hadien wa ka round wa ar, ka Langsning Greenergy Lions daw yachem ko waka Unified Gorkha Gators ha ka Meghalaya Baby League (MBL) 2018 mynstep ka 30 tarik ha Polo Ground.
20 tylli ki yalehke u pynman mynstep ha ki le tylli ki madan ha Third Ground ka Jawaharlal Nehru Stadium waka Futsal Ground ka Jawaharlal Nehru Sports Complex hapyrdi ki 8 tylli ki dhab.
Ha ka Western Conference ka Greenergy Lions waka Gorkha Gators daw sdang ki ya ki yalehke nadooh ka 9:30 i step. Ka Little Star Clouded Leopards waka Kickstart FCC Rhinos daw sdang ki heipor 1:15 i pyrdi sngi.
Katwa haka Eastern Conference, ka Touchline NE Cubs daw yachem ka pyrchah ya ka Nongthymmai GC Scorpions nadooh 9:30 i step wei daw pynbood da ka JNS Jaguars pyrchah ya ka Sunnydale School Doves nadooh 12:30 pyrdi sngi.
Discussion about this post