15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Jop suk ka Meghalaya ya ka Mizoram ha ka Ranji Trophy

0 Comments
Advertisement ad1
Advertisement ad1

Shillong: Ka Meghalaya da jop suk ko ya ka Mizoram da 324 Run wa chi Innings ha ka Ranji Trophy wa pynman ynne ka sngi ha MCA Cricket Ground, Shillong.

Ini da man i i sien wa soo wa jop ka Meghalaya ha ka Ranji Trophy.

Ka Meghalaya ynne ka sngi da pteiñ ko neiwa ieh ko ynnin ka sngi hadien wa kamai ko da 292/4 hawa jubab yeiwa kamai ka Mizoram ha ka First Innings wa yoh ko 86 Run, ka Meghalaya da kamai ko 510 Run hadien wa haap lut ki Wicket ko.

Ini da pyntam ka Meghalaya ya ka Mizoram da 424 Run wei ka Mizoram manda Bat ko ha ka Second Innings da haap lut ki Wicket ko deiwa kamai du 100 Run.

Uwa bat ka Meghalaya u Yogesh Nagar, uwa ynnin da kamai u 91 Run, ynne da yoh u sa 53 Run chwa wow haap u deiwa kamai 144 Run wa kynthup ya 20 tylli ki soo Run. Kani toh ka 100 Run wa le wa da yoh u Nagar ha kani ka Ranji Trophy.

U Gurinder Singh won da haap u heipor wa yoh u 99 Run wa kynthup ya 11 tylli ki soo Run. Kini ki ar ngut da kamai lang ki 199 Run ya ka Wicket wa 5.

U Aditya Singhania da kamai u 60 Runs na ki 56 tylli ki bol wa kynthup ya 9 tylli ki soo Run wa u Dipu Sangma uwa kamai 36 Run.

Waroh ki soo sien wa jop ka Meghalaya toh pyrchah ya ki jylla ka thaaiñ mihsngi wei daw yachem ko sa ya ka Sikkim ha kani ka 30 tarik ha Bhubaneshwar.

Share this:
Previous

Da 206 Run pyntam ka Meghalaya ya ka Mizoram ha ka Ranji Trophy

Next

Da pynkylla ya ka aiñ heiyatoh wa i tih mar poh-khyndaw