Da baamsmai u Justice Dinesh Maheshwari kam u Chief Justice ka High Court ka Meghalaya

Shillong : U Justice Dinesh Maheshwari da pynbaamsmai u kam u Chief Justice ka High Court ka Meghalaya da u Lat ka jylla u V. Shanmuganathan ha Raj Bhavan ynnin ka 24 tarik.

Yeini da leh hei sakhi u Montri Rangbah ka jylla u Dr. Mukul Sangma, u Chief Adviser ka sorkar jylla u Dr. D.D. Lapang, u Deputy Chief Ministers u Rowell Lyngdoh wa u Prof. R.C. Laloo, u Speaker ka Meghalaya Legislative Assembly u A. T. Mondal, u Justice S.R. Sen, Judge High Court of Meghalaya, wa kiwi kiwi.

U Justice Dinesh Maheshwari toh uwa na ka jylla Rajasthan wei da man u kam u Judge ka Rajasthan High Court ha ka 2 Naikhynde (September) 2004. Chwa ini da thung ya oo kam u Chief Justice, da man u kam u Senior Judge ha ka Lucknow Bench ka Allahabad High Court.

Yeini da pyntip da u Registrar General yong ka High Court ka Meghalaya, Shillong.