U President ka Meghalaya Petroleum Dealers Association, u Kennedy Khyriem da ong u wa ki paidbah ymtoh u khuslai næ kulmar pyrkhat ki ya dooh Petrol wa Diesel hadien wa kiwa yah Tanker da maham ki wow sangeh pynpoi phñiang kari cha ka jylla nadooh ka 29 tarik uni u bnai.
Hawa klam ynne ka sngi, u Kennedy da khana u wa ka Petrol Pump kawa khian dooh da em bait ko yei phñiang wa da pynlang chwa kamwa 60,000 litre wei ki Petrol Pump wa rap heh da em ki palat 1 lak litre ka Petrol wa da pyndap chwa ki.
Da khana u wa ka Association da yachem ko wa u Montri ka chnat Food and Civil Supplies, u Comingone Ymbon kamjooh ya u Symbood Montri Rangbah wa pait ya ka chnat Pulit, u Prestone Tynsong kiwa da kular wow chimkhia wa i wanrah phñiang ymtoh u thut i.
Da ong u wa ki paidbah ym toh u kulmar ki neibhah ka sorkar da chimkhia ko, wei ki Petrol Pump kiwa em ha ka jylla da pyndap chwa ki yei phñiang. Da khana u leh wa ka Association da dep ko wow yaklam leh wa ki Company wa pynpoi phñiang kiwa da kular wow pynpoi yei phñiang cha ka jylla.
Discussion about this post