15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da booh 11,820 tylli ki bhah e tika neibynta kiwa 18-44 snem ha East Khasi Hills

Ka DC ka East Khasi Hills da pyntip ko wa i pynkhreh neibynta i e tika ya kiwa 18-44 snem hapoh ka District toh iwa da pyndep wei u pteiñ biang u e tika COVID-19 nadooh ka 11 tarik uni u bnai heiwa da booh 11,820 tylli ki bhah wow e tika iwa e u ksoh bhah lyngba ka Online Booking.

Kani ka e tika neibynta kiwa 18-44 snem i rta toh ha ki 13 tylli ki COVID Vaccination Centre ha Shillong wa ki thaw wa khapsor.

Chooh chooh da booh leh ha ki bynta ka Shillong wa khapsor 20 tylli ki thaw sumaar kiwa daw pynman ya i lai e tika cha ki 37 tylli ki chnong neibynta kiwa 18 snem chaneiñ ha ka 11 wa 12 tatik uni u bnai deiwa krehlang wa ki waheh chnong. Ha kani ki 2 sngi da booh wow e 6000 sien i tika. Kamtæ da pynchlur ya kitu kiwa pyndap pynbiang ha yung, kiwa da em chwa ki chitom, ki manbei manpa samen, kiwa khih mylla wa kiwi kiwi won wan ki chakhmat.

Daw pynman leh ya i e tika wa kyrpang ya kitu kiwa kreh yei kaam wa ye u yoh ya u khñiang kam kiwa dai yachon, kiwa lai booh tiar, kiwa dai dukan wa kiwa chongdai madan.

Da pyntip wa da dep wow e tika hapoh ki District Jail, SAN-KER wei daw leh ya ini sa ha MIMHANS. Ki bru wakreh kaam yung, kiwa em ha ki Old Age Home wa kitu kiwa wym em yung em sem u man ki leh kam ki wi kiwa da booh thong wow e tika.

Ha ki thaaiñ palatsor hapoh ki C&RD Block, daw pynman e tika 35 sien neibynta kiwa em 18+ wa 45+ i rta.

Ka DC da e khublei ko leh ya ki District Task Force yei kaam wa bha wa da leh ki khamtam ki Nurse wa e tika ka East Khasi Hills kiwa da pyntikna wym em sepai chi joo i tika neibynta kiwa 45+ wa kiwa 18-44 snem i rta.

Share this:
Previous

E yarap ka FKJGP cha ka chnong Lakadong Ummat

Next

Ka jylla Meghalaya da u laiñ dak soo