December 20, 2022
U Montri Rangbah ka jylla, u Conrad K Sangma da khana u wa hadien i jia ha Mukroh ha ka 22 tarik u Khonchonglad da yaklam u boonsien wa u Montri Rangbah ka Assam, u Himanta Biswa Sarma, wei da ong u wa i yaklam daw lai i ha ki sngi wow wan leh.
Ini i ong u Montri Rangbah toh hawa kylli yei chna pynheh ka Assam ya ka Forest Beat House hapoh u pood u ang yong ka Meghalaya, hadien wa ka Beat House kawa rim da chah thang noh ko nei jia ha Mukroh.
Hawa klam wa kiwa thoh khubor, u Conrad da ong u wa ym e laad ya ka sorkar Assam lane ka Karbi Anglong Autonomous Council (KAAC) wow kreh iyi iyi lada toh hapoh u pood u ang ka Meghalaya.
Hajrong i booh ya ki Border Outpost (BOP) da ong u wa da dep booh ha Mukroh katwa ha Barato toh ka Police Outpost. Wei da khana u wa ka Border Outpost ha Mukroh da pynyang 30 ngut ki pulit wei ya kini da pynskem wow em bait ki ha katai ka thaw.
