U Montri ka chnat C&RD, u Hamletson Dohling chirup wa u Montri ka chnat rep u Banteidor Lyngdoh da booh mooyurim ki wow chna ya ka Mawkynrew C&RD Block Office wa thymme ha Block Headquarter, Mawkynrew C&RD Block.
U Dohling da ong u wa ki yung krehkaam Block pynyajan ki ya ka sorkar wa ki paidbah katwa kamtæ emkaam bha wow chna ya kini ki yung wow chakri ya ki paidbah.
Da pyntip u wa ka sorkar da pynlait ko T. 120 klur wow pynku kyrdan ya ki 40 tylli ki yung krehkaam Block wei T. 2.77 klur da mang neibynta kani ka yung krehkaam.
U Dohling da yaroh u ya ka Mawkynrew Block Office wa da kreh chitom ko wow pynkreh ya ki Scheme sorkar. Da yaroh u leh ya ki kaam pynroi chnong deiwa em ka MGNREGS wa i boon ki SHG hapoh ka jylla du ha ki kajiak snem.
Kiwi kiwa klam ha kani ka sngi toh u Banteidor Lyngdoh, u Director ka C&RD Block u SC Sadhu wa kiwi kiwi.
