U Symbood Montri Rangbah ka jylla u P. Tynsong da booh mooyurim u yaka Meghalaya Integrated Transport Project (MITP) yow pynku kyrdan yaka Mawmaram-Nongthliew-Mawmih-Mawlyndep Road (41.527 km) kawa da yarap poisa naka World Bank haka yalang wa pynman ha St. Theresa Secondary School, Mawlaingut, East Khasi Hills deiwa emlang u Speaker ka Meghalaya Legislative Assembly, u Metbah Lyngdoh wa kiwi kiwi de.
I kreh neibynta u chna ya uni u sarok toh hei lut wa T. 64.12 klur uwa da boh por wow pyndep ha u snem 2023.
U kongsan u P. Tynsong hei klam yong oo da ong u wa i thong ka sorkar toh wow wanrah yei roi i paar ha waroh i liang hapoh ka jylla nadoh na tre. Da ong u wa uni u sarok daw yarap u leh ya i rep i riang, ka uiñke suwari manda dep chna ya oo.
Da ong u leh wa i rukom mantre yei thaw hapoh ka jylla da wanrah ko yei eh hawa wanrah ya ki kaam pynroi tangwa da yooluti u wa deiwa ya krehlang ki tre thaw waka sorkar daw wanrah ko yei kylla ha ki por wa daw wan khamtam hawa chna yaka Shillong-Western Bypass heiwa i leh sorjamin (Survey) toh iwa da pyndep leh.
Neiliang u Metbah Lyngdoh da yaroh u yaka chnat PWD kawa da sdang ya kiwa boon ki kreh hapoh ka jylla deiwa ban joor u yei emkaam sarok ha ki thaaiñ nongkyndong iwa chem chitom ki bru wa sah cha kdong cha chmiang khamtam manda em i kjut i chitom.
