U Montri ka chnat Community & Rural Development, u Hamletson Dohling ynne da booh mooyurim u yow chna yaka Integrated Block Complex kawa man leh ka yung krehkaam wa thymme ka Amlarem C&RD Block deiwa emlang u MLA ka thaaiñ kamjooh u Montri ka chnat Puræ Puthi, ki Kaam Pohyung, u Lahkmen Rymbui.
Hawa e yei klam, u Montri da pynsñiaw u yei sñiawngooh yei kreh wa i chakri ki bru ka Amlarem Block kiwa da pynkrehkaam bha ya kiwa boon ki Scheme ka sorkar jylla waka sorkar pyrdi kiwa da pynkrehkaam ha kani ka thaaiñ.
Da pyntip u wa ka sorkar da booh ko T. 2.77 klur yow chna ya kani ka yung krehkaam wa thymme kawa daw sdang noh ym slem de.
Da ong u leh wa ini i chna thymme ya ki yung krehkaam daw yarap bha ya kiwa kreh wow yoh thaw ki deiwa miat iwa daw wanrah leh i kylla hei rukom e chakri cha ki paidbah khamtam ya kiwa kiwa sah ha ki thaw wa em cha jngai.
Da khana u leh wa hapoh ka Amlarem Community and Rural Development Block da em 71 tylli ki Village Organization (VO) wa 590 tylli ki Self Help Groups (SHG). Wei kini ki SHG da wanrah ki i kylla yei rukom man ki chnong ki thaw.
Da yoh leh yei klam na u Lahkmen Rymbui, u Director ka C&RD Department, u SC Sadhu, na u Deputy Commissioner, West Jaiñtia Hills, u B.S. Sohliya wa kiwi kiwi de.
