theme-sticky-logo-alt
theme-logo-alt
Advertisement ad1
Advertisement ad1

Da booh ya u mooyurim ka Williamnagar Urban Water Supply

Advertisement ad1

Kam chibynta i lehkmen yei dap 75 snem ka sngikha u (L) P.A. Sangma, neiliang u Montri Rangbah da phah u ya ka poisa kawa lai bait cha ki Bank Account kiwa yoh myntoi kiwa em 1200 tylli ki manyung hapoh ka FOCUS+ Scheme kawa man ka poisa yarap cha ki manyung ki warep hapoh ka jylla.

Ka sorkar Meghalaya ha kani ka sngi da pynlait ko leh ya ka poisa kawa T. 32.30 lakh hapoh ka FOCUS wa T. 12.69 lak hapoh ka FOCUS+ heiwa kiwa yoh myntoi da em ki awjan 2000 ngut.

Advertisement ad1

Ha kani ka sngi da saam leh ya ka poisa kawa dapoi T. 11.60 lak cha ki 23 tylli ki dhab ki khynnah khynroo hapoh ka YESS Meghalaya Youth Empowerment Programme. Ka YESS toh ka Scheme kawa da sdang yow pynkupbor ya ki khynroo khyllood wow leh ki ya ki kaam neibynta i bha i miat ka imlang sahlang kamjooh ki kaam yalehke Sports. 

Hapoh ka Rural Backyard Piggery Scheme, PROGRESS, da saam 76 tylli ki khon sniang cha kiwa ri sniang ha East Garo Hills District wei da mang wow yoh myntoi 10,000 ngut ki warep hapoh kani ka Scheme ha waroh kawi ka jylla.

Kini waroh da man ki leh kam chibynta ka yalang wow booh mooyurim ya ka Williamnagar Urban Water Supply Project Phase -I hapoh ka AMRUT 2.0 heiwa da emlang u Kaushal Kishore, Minister of State for Ministry of Housing and Urban Affairs, ka sorkar India.

Ya kani ka Water Supply Project u chna hei lut wa T. 121 klur wei daw yoh myntoi 1.42 lak ngut ki bru iwa man leh kamwa da antaad wow boon ki bru ha Williamnagar ha ki 10 snem wow wan.

Ka Treatment Plant kani ka thaw taan um naka wah Chibe toh kawa ye u pynkhooid hadooh 15.00 Million Litre ka um chi sngi.

Share this:
Previous

Dawa pasi ki paidbah ya kiwa tynyap ya kiwa kamai kari

Next

Yoh kem ki pulit ya 3 ngut kiwa dai drug