Da booh ya u mooyurim wow chna ya ka Orchidarium waka Orchid Production Unit

Shillong: U montri rangbah ka jylla, u Conrad K. Sangma chirup wa u montri ka chnat pynroi sor, u Hamletson Dohling ynne da booh moo-yurim ki wow chna ya ka Orchidarium waka Orchid Production Unit ha IBSD, 6^th Mile, Upper Shillong.

Kam u kongsan, u Conrad da ong wa ka Orchidarium waka Orchid Production Unit daw yarap ko chiboon wow yarap seiñ khih ya kiwi. Da pynrap u leh wa ki bru na kylleiñ ka pyrthai yap-biej ki ya ki syntu Orchid, wei daw yarap ko leh wow kyntu kynrong ya ka kaam uiñke suwari. Hapoh jylla em palat 800 jait ki syntu Orchid wei hanla kattæ leh da wanrah ya ki na baar jylla wa na baar ri.

Da kyntu u leh ya ki khynnah wa em ha kani ka sngi wow em ki ka thong wei wow kreh ki wow poi cha katæ ka thong wa da booh ki.

Ha kani ka sngi da emlang u Principal Chief Conservator of Forests, Meghalaya, u Y.S. Shullai; Director, IBSD, Prof. Dinabandhu Sahoo, u Vice Chancellor, NEHU, Prof. S. K. Srivastava wa kiwi kiwi.