Da booh ya u mooyurim yow chna ya ka 100-Bedded Ummulong Integrated Hospital hei lut wa Rs. 53 klur

U Chief Minister ka jylla, u Conrad K. Sangma deiwa emlang u Deputy Chief Minister, u Sniawbhalang Dhar wa u Health Minister, u Wailadmiki Shylla, ynne da booh mooyurim ki yow chna ya ka Ummulong Integrated Hospital wa em ha Ummulong.

Ya kani ka Hospital u chna hei lut wa Rs. 53 klur yow pynku kyrdan noh ya ka Ummulong CHC heiwa kattu u man noh ko kam ka 100-Bedded Hospital. Heiwa daw em leh 25 tylli ki thaw thiah kiwa man kyrpang ya kitu kiwa wan chah sumaar yow lait noh nei chah kdoh chah khoom hei dih drugs.

Kani ka Hospital toh kawa soo mala heiwa ha ka mala wa nyngkong (Ground Floor) daw em ka Emergency, OPD, Geriatric Wards, Investigative Services, Canteen, MHIS Office, Staff Changing Rooms, Public & Staff Toilets wa ka Daycare.

Ha ka mala wa ar daw em ka OT Complex, ki General Ward, CSSD & Laundry, LDR Department, ICU/HDU, SNCU, Maternity Ward wa Paediatric Ward.

Ha ka mala le daw em ka Administration, PHL, Blood Bank, AYUSH Department (OPD & Wards).

Related posts

Da kyrriah tarik ya ka Fete ka Dkhiah East Secondary School

November 5, 2026

Kyntu ka KSU ya u DC wow pynrkhiñ kyndon yow lait i thang bomkala palatpood heipor Diwali

November 5, 2026

Ha ka mala wa soo daw em ka Private Ward, Conference Hall wa Dialysis.

Ka thong wow wanrah ya kani ka Hospital toh yow booh hapoh kawi donhi kawa da biang lut waroh ki laad sumaar kiwa man katkam ka juk wa katni yow yoh myntoi ki paidbah.

U Conrad hawa e yei klam da ong u wa i e dei chakri wa miat wa bha toh iwa emkaam dooh wei kam ka sorkar ha ki 8 snem wa da lai da yaleh ko wow pyndap yeiwa duna heiwa da ye leh wow sdang ya ka Medical College ha Shillong najrong wa da em ka yong ki bru samen ka College kawa da krehkaam wei da yooluti leh wym slem de daw ye u pynkrehkaam noh ya ka Tura Medical College.

Da ong u wa manda krehkaam kini waroh daw ye u pynmih hadooh 350 ngut ki Doctor ha ka chi snem ha ki 5-7 snem wow wan lane ha ki 10 snem wow wan.

Da ong u leh wa waroh kini kiyi kiyi toh kiwa chimpor wow leh wei hap u lai deiwa ku kawi pa kawi ka rana yow poi cha ka thong.

Kamtæ da ong u wa kani ka Hospital kawa kattæ man ko kawi na kini ki rana kawa emkaam bha yow lai chakhmat hei e yei sumaar deiwa pynkhlan ya ki thaw wa em jngai na sor neibhah em ki por deiwa smat u poi cha thaw sumaar da 5-10 minit da ye wow pynlait im ya u bru nei yap.