Da pdiang ya ka Bullet Train tangwa pynwit noh u rdang syiar: Himanta

U Chief Minister ka Assam, u Himanta Biswa Sarma da ong u wa ka Bullet Train na Guwahati cha Delhi toh kawa da pdiang da ka sorkar pyrdi tangwa chem chitom u kaap ya u rdang ka Northeast wa tip leh kam ka Chicken’s Neck næ ka Siliguri Corridor.

U Himanta da kdaw u wa ka High-Speed Rail u pynyabi ko ya ka thaaiñ Northeast tangwa em won i wit i thut heiyatoh wa ka luti ha ini i bynta ka rdang siyar.

Da kdaw u leh ha Social Media wa ka Siliguri Corridor man ko kam u moochynthut ya kani ka luti rel wow pynyabi ya ka wa waroh ka ri heiwa i kmai ini i thaw (rdang siyar) man i du kamwa 22 km donhi wei em ki thaw 16 km donhi.

Katkam wa man hi katni ya u sarokbah wa ka luti rel toh kiwa da em chwa, ya ka luti ka Bullet Train daw emkaam u chna thymme pyn ha chrooh ki luti rel wa da em chwa iwa da chem chitom neidaw wa khian ka thaw wei kawi ka laad toh u ngam napoh khyndaw ha ki bynta uni u rdang. 

Related posts

Ym ye de u pynsangeh yei kreh ya ka Shillong Ropeway: Paul

November 5, 2026

Da booh ya u mooyurim yow chna ya ka 100-Bedded Ummulong Integrated Hospital hei lut wa Rs. 53 klur

November 5, 2026

U Himanta da klam che u leh wa ki Bullet Train ymye ki wow lai na ki luti wa da em chwa katwa kamtæ da hap pynku pynheh leh ya ka luti rel hapoh ka jylla.

Da ong u wa ini ym em mut i wa da pyndam ka tangwa hap thooh da ki laad ki buit thymme wow pynpoi ka hadooh ha Guwahati wei ini ye i wow chimpor kamjooh i lut leh ye u ku ar le chah.

Kani ka luti rel toh kawa nyngkong da pynkut ha Siliguri donhi neidaw wa khynnai ka thaw wei da kyrpaad u Himanta wow wanrah ka chadooh Guwahati heiwa da mynjur leh ka sorkar pyrdi.