U Banteidor Lyngdoh, Sports & Youth Affairs Minister, deiwa ya emlang u AL Hek, Health and Family Welfare Minister wa MLA ka thaaiñ, ynne ka sngi da booh mooyurim ki yow chna yaka Multi-Purpose Indoor Sports Hall ha Mawpat Community Compound, Shillong.
Ya kani ka Indoor Sports Hall u chna hei dor wa T. 3.42 klur wei da booh thong wow pyndep chna yaka ha u 2022 yow man leh i jooh i por waka lehkmen Golden Jubilee ka Mawpat Sports & Cultural Club.
U Banteidor Lyngdoh hawa e yei klam yong oo da ong u wa ka Indoor Sports Hall toh kawa da yoh hadien wa slem i angnood ki paidbah. Da ong u leh wa ki kaam yalehke Sports ha Meghalaya katni da kylla ki wei ka sorkar u pteiñ ko wow yaleh yow wanrah chiboon kiwa emkaam yow pynku ya kiwa boon ki jait yalehke Sports.
U Lyngdoh da ong u leh wa ka yalehke Sport ye ko wow wanrah yei kylla ha ka imlang sahlang heiwa yarap ko ya ki khynroo wow yait na ki kaam wa sih iwa wanrah kylla yei ku wa i roi i paar ka imlang sahlang.
Da ong u leh wa kam kini ki thaw yalehke toh kiwa emkaam yow pynmih ya kiwa yalehke wa pnah kiwa daw wanrah burom yaka jylla waka ri waroh kawi.
U AL Hek da yaroh u yei ya krehlang ki paidbah waka chnat Sports iwa daw yarap wow kyntu ya ki khynroo. Da pynchlur u leh ya kiwa chong chnong wow wan ki chakhmat yow pynyoo yei sap yong ki haka yalehke Sports.
