theme-sticky-logo-alt
theme-logo-alt
Advertisement ad1
Advertisement ad1

Da boon snem chah ki 6 chnong yei eh wa mih na i noh-jhep, ong u Lahkmen

Advertisement ad1
Advertisement ad1

Ynnin ka sngi neidaw wa chrai hajrong i wym chah wow noh jhep chipor ha Mynkjai, ka Synjuk ki Waheh Chnong Jowai da rai ki wow e da ka ‘Quit Notice’ næ phah sangeh ya ki 6 chnong, ka KSU War Jaiñtia Circle wa ka Synjuk Waheh Chnong War Jaiñtia wow wan cha Jowai katwa ym pu pynbait næ pyndam noh yei eh ha Jowai.

Hajrong ini i leh ki Waheh Chnong ka Jowai, neiliang u Lahkmen Rymbui da ong u wa ym yahap neibhah wa kitai ki 6 chnong da chah ki yei eh nadooh ki snem 1990, wei toh leh wow sñiawthooh wa wot kanti 3 tayaw wa ha Jowai ym yoh thaw ki wow neh jhep katwon man ko iwa eh.

Advertisement ad1

U MLA ka Amlarem, u Lahkmen Rymbui da ong u wa i eh nei noh jhep ha Mynkjai ym toh de iwa dang thymme, deiwa ong wa nyngkong na Jowai da lai wow noh jhep ha Riatsasim iwa jngai kamwa 1 Km na ka DC Office, wei ha ki snem 1990 da kyrriah charood sarok ha Mynkjai wei nadooh itai i por ki bru ha katai ka thaw da pyrchah ki neibhah ya katai ka thaw da pynman thaw noh jhep kawa da kær da ki 6 chnong kiwa heh.

Da ong u wa kiwa pyrchah da e ki dei thoh cha ka JHADC na i por cha i por, wei ka War Jaintia Student Union wa ki 6 chnong da yaklam ki wow kyrriah ya i thaw noh jhep, wei ha u snem 2017 ka Jowai Municipal Board wa ka JHADC da kyrriah noh ki ya i thaw cha iwa katni iwa jngai du kamwa 200 Meter na iwa rim iwa da wanrah yei jooh i eh.

Da ong u wa ini i pyrchah toh iwa da slem, wei neiliang ka JMB leh da pyrchang ko wow thooh thaw wow noh jhep tangwa ym yoh thaw hadooh kini ki sngi, wei hadien neitæ, neiliang u SDO da hap u wow pynkrehkaam da ka Section 144 CrPC yow yoh u lai noh-jhep biang ha Mynkjai.

Share this:
Previous

Beiñ u Lahkmen yei maham ka HNLC ya ki laad pathai khubor

Next

Ka HNLC da kylla ko cha ka seiñ yong ki kaam pyrchah aiñ: Rymbui