U DC ka West Jaiñtia Hills District ynne ka sngi da pynmih hukum u yow pynbna ya ki kaam wa da khang wa kiwa da chah wow wai/sdang hapoh ka Section 144 Cr.PC kawa da pynkrehkaam man ka sngi nadooh ka 5 waje i step hadooh 9 waje i miet heiwa daw pteiñ won daka Night Curfew kamwa jooh nadooh 9 waje i miet hadooh 5 waje i step kam chi bynta wow yada nei poor ka khlam u COVID-19.
Iwa da pynbna thymme toh wa dang khang hi yei lai na kawi ka jylla cha kawi, ym pu chah u wai ki dukan ah sniooh (Barber Shop, Beauty Parlour, Salons, Spa) wa kiwi kiwa ya sariem wa kini ki jait kaam, ym pu chah leh wow pynman ya kiwon kiwon ki yalehke kiwa hap ya tyngkhooh uwi ya uwi, da khang ya i wan ki paidbah wow paitke haki thaw yalehke, ym chah leh wow pynman yaki yalang yong niam, u wai ki thaw mane Blai neibynta ki paidbah hadooh ka 13-06-20.
Da chah leh wow wai noh ki Shopping Mall kiwa hap bood thij yaki kyndon wa tip kam ki Standard Operating Procedure kiwa da booh daka sorkar.
Ki Shopping Mall u chah u wai ki haka sngi Tuesday, Wednesday wa Saturday nadooh 9 waje i step hadooh 6 waje i miet.
Lada ym bood yaki kyndon wa yatoh wa i rukom wai ya kini ki thaw (Shopping Mall), daw chah pynchitom katkam ka aiñ.
Ya ka Standard Operating Procedure ye phi u Download heini.