Shillong: Ka sorkar jylla ynne ka sngi da pynbna ko wow chah biang u wai noh ya ki thaw mane Blai nadooh ka 14 tarik uni u bnai wei yeini da pyntip da u Prestone Tynsong hadien ka yalang wa ki seiñ niam hapoh ka jylla.
U Prestone da ong u leh wa ka sorkar da pynkhreh ko ya ki kyndon namo ka Draft Standard Operating Procedure wei ya kani daw pynpoi noh myntep cha waroh kiwa yahkhmat niam wow bood ki.
Da ong u leh wa ya ki kyndon wa da pynkhreh da ka sorkar da pyntip cha kiwa yahkhmat seiñ niam wei ki leh sñiaw yahap ki yeini. Em leh ki kattu katni ki bynta wa dang hap pynbait næ pynjanai biang ya kiwa ka sorkar daw pyndep ko myntu hi ka sngi.
Hawa yaklam wa kiwa yahkhmat niam da pynsñiaw ki yei mynsien sñiawkmen hajrong kani ka rai wei man ki leh kiwa smat wow kreh lang chirup wa ka sorkar.
