Da chem ya i metyap u manpa na Cham Cham wa ngam-um ha Wah Umthe

Ynne ka sngi da chem ya i metyap uwi u manpa uwa tip kam u Lakhon Phawa uwa na chnong Cham Cham, East Jaiñtia Hills uwa da ngam-um ha kawi ka wah ha chnong Sakhain kani ka District ha ka 30 tarik u Naisan.

Katkam ka khubor wa tikna da ong wa da chem ya i metyap u wa pær i ha ka Wah Umthe ynne heipor 11:00 waje i step.

Kam wow kdaw heini wa uni u manpa da ngam u ha kani ka wah ha i janmiet heipor 5:00 waje ka 30 tarik u Naisan uni u snem heiwa kiwa sakhi da ong ki wa da yoo ki wa da ngam u heipor wa liwan u na loom wei da tlær cha kani ka wah.

Uni u manpa toh u khon ka Blit Phawa wei em u ka kurim wa le ngut ki khon na Mukhaialong, EJH.

Related posts

Leh chiliang ka sorkar deiwa pynku ya ki kaam uiñke suwari ha Khasi Hills donhi katwa ka Jaintia Hills wa Garo Hills ym yoh bhah ki

November 4, 2025

Em ki bru wa da pynkhreh 5-6 bnai yow wan cha ka Umngot, sñiawkhia u Lahkmen yei ktieh ka wah

November 4, 2025

Neiliang ka yung ka sem neidaw wym em i suba deiwa tawon da paan pynlait ki wow leh ya ka Post-Mortem khnang wow ye u pyndep smat ya ka niam ka rukom ya iwa dang sah yong oo.