Ynne ka sngi da chem ya i metyap uwi u manpa uwa tip kam u Lakhon Phawa uwa na chnong Cham Cham, East Jaiñtia Hills uwa da ngam-um ha kawi ka wah ha chnong Sakhain kani ka District ha ka 30 tarik u Naisan.
Katkam ka khubor wa tikna da ong wa da chem ya i metyap u wa pær i ha ka Wah Umthe ynne heipor 11:00 waje i step.
Kam wow kdaw heini wa uni u manpa da ngam u ha kani ka wah ha i janmiet heipor 5:00 waje ka 30 tarik u Naisan uni u snem heiwa kiwa sakhi da ong ki wa da yoo ki wa da ngam u heipor wa liwan u na loom wei da tlær cha kani ka wah.
Uni u manpa toh u khon ka Blit Phawa wei em u ka kurim wa le ngut ki khon na Mukhaialong, EJH.
Neiliang ka yung ka sem neidaw wym em i suba deiwa tawon da paan pynlait ki wow leh ya ka Post-Mortem khnang wow ye u pyndep smat ya ka niam ka rukom ya iwa dang sah yong oo.
Discussion about this post