Ki pulit ka East Jaiñtia Hills ynne da chimkti ki ya ka kari Maruti Suzuki S-Presso yong u (L) Kyrshan Lamurong na iwi i thaw ha Rangblang, South West Khasi Hills.
Kani ka kari kawa dang thymme ka wym pu em Number, da murieh ha yung u Sakhiyus Thyrniang uwa man u pa u Tensing Dkhar uwi na ki le ngut kiwa dadep chah kem ha ki pulit heiyatoh wa i chah pynyap wei chah tooh ka kari u Kyrshan.
Kam wow pynkynmoo wa yei metyap u Kyrshan da chem na i krem mooyong wa em ha Rymbai.
Ya kini ki le ngut wa da kem da pynmih ya ki ha yung bichaar ya kiwa da phah kset hapoh Police Custody neibynta soo sngi.
Chooh chooh ka khubor wa da yoh da ong leh wa ya ka kari da murieh da ki le ngut wei i takit dang lai i chaphrang wow tip lada emkti kiwi tawon ki bru.
Ya ka kari daw kit noh cha Khliehriat, East Jaiñtia Hills.
Discussion about this post