Ka la’ær COVID-19 da poi biang ko hapoh ka ri deiwa sdang ha Kerala heiwa ha kini ki 24 kynta kiwa yoh ya uni u khñiang da em 312 ngut hapoh ka ri wei na kini 195 ngut toh kiwa na Kerala iwa mut wa waroh kiwa dang chah ktah da em ki 1,296 ngut hapoh ka ri heiwa na kini 1,144 ngut toh kiwa ha Kerala donhi.
Ka Kerala da em ko leh uwi uwa da khlaad noh uni u khñiang ha kini ki 24 kynta wei ha ka 16 tarik da em soo ngut wa khlaad.
Kamwa man kattæ, u jait khñiang COVID-19 wa da sdang poor hapoh ka pyrthai toh uwa tip kam u JN.1 uwa da chem nyngkong ha USA wa China wei ya uni da chem nyngkong ha Kerala heiwa da em ka bru wa 79 snem i rta wa yoh ya uni u khñiang heiwa da yoh synrum ko malu mala wei da Test ya ka da ka RT-PCR ha ka 18-12-23 deiwa leh leh yaka Genome Sequencing.
Ya uni u khñiang thymme da chem leh ha kiwi ki nong India hapoh ka Singapore Airport deiwa leh Screening ya ki tangwa neiliang ka sorkar da ong ko wym toh u khuslai neibhah da booddien bniah bha ko.
Uni u jait thymme ym pu tip hadooh katwon khor u næ uwa tlot bor u tangwa uni toh uwa poor bha katni ha kiwa boon ki ri ka pyrthai wei ki Scientist dang booddien ki ya uni neidaw wa rap phær u hei rukom kylla namo ka Mutation.
Kam wow pynkynmoo wa ka Kerala toh ka jylla wa em he wa ar wa boon dooh ki wa yoh COVID-19 hapoh ka ri hadien ka Maharashtra nadooh wa sdang.
Discussion about this post