Da chna da ka kor wa duna dor kawa ye u chem yei Formalin ha ki dakha

Ka Ministry of Science & Technology da pyntip ko wa da em wa chna da ka kor thymme kawa duna dor kawa ye wow chem lada em Formalin ha ki dakha wei yeini ye u leh hapoh kamra khlem da hap wow pyndait thah kamjooh khlem da hap u ah ya ki dakha.

Ka sorkar da ong ko i Inject dei dawai hapoh i baam man i pyrchah yaka aiñ yow pynmiat dur deiwa pynbiej ya ki paidbah wa i baam toh iwa da ih wei iwa dang miat kamjooh yow slem u pyut i baam. Da pyntip leh wa ini i Formalin (hawa man um) wei da tip kam i Formaldehyde (hawa man kam ka Gas) toh i wym em rong wei kawa sma bha kawa pynemkaam ha ki karkhana wei da pynemkaam leh yow pynneh pynsah ya ki kattu katni ki baam khamtam ha ki dakha ha ki kattu katni ki ri kiwa dang sdang u heh u san tangwa ha kiwa boon ki ri da khang da ka aiñ wow pynemkaam ya ini i Formaldehyde iwa tip leh kam i Carcinogen.

I rukom thooh yow chem yei Formalin wa pynemkaam ha ki yaaw ki haat khamtam ha ki dakha toh kawa tip kam ka Electrochemical-Based næ Colorimetric-Based. Ki Electrochemical Sensors toh kiwa pynemkaam bha tangwa kiwa sy’at dor. Katwa ki Calorimetric Sensors toh kiwa toh dor wei hawa waroh ar daw hap wow ah u khloh yaka dakha.

Kamtæ ka Nanomaterials and Nanoelectronics Laboratory, wa khlieh da u Dr. Hemen Kr. Kalita, Assistant Professor, Department of Physics, Guwahati University, Assam da chna ki da ka kor kawa tip kam ki Formalin Sensor wa pynemkaam da ki Tin Oxide-Reduced Graphene Oxide Composite kiwa ye u chem yei em Formalin hapoh ki dakha.

Related posts

Sdang ka Woodland WK Hospital yei pynkha khon wa khlem kjut iwa nyngkong dooh hapoh ka West Jaiñtia Hills

March 22, 2025

Pynman ka Jowai City YMCA ya ka Health Camp neibynbta kiwa da heh rta

March 21, 2025

Ya kini ki Sensor thymme da dep pyrchang ha ki dakha kiwa da Inject chynnam hapoh ka Laboratory wei da wanrah leh ya ki dakha napoh ka thaaiñ Guwahati. Ya ini i thooh bniah namo ka Research da kyrchaan da ka DST-PURSE (Promotion of University Research and Scientific Excellence) wei da pynmih hapoh ka Journal ACS Appl. Nano Mater. Wei da chem wa uni u Sensor toh uwa ye u chem yei Formalin ha kiwa boon ki dakha kiwa da wanrah na baar Assam.

I chna ya kani ka kor kawa dang pyrchang hi-eh (Prototype) chwa u dai toh kawa da lai chakhmat wei da man ko leh kawa daw pynkylla dur yow yaleh pyrchah yeini i kaam Inject dawai ya ki baam wei uni u Sensor daw wai laad leh wow chna ya kiwi ki jait Sensor wa ye u chem yei Formalin.