Da chna ya ka Marten katkam ka stat ka juk wa katni, hadien 8 snem u pynkylla yaka cha ka thaw uiñke: Hamletson Dohling

Shillong: U montri ka chnat Urban Affairs, u Hamletson Dohling ynne da pyntip u ha yung dorbar wa ka sorkar da yaleh ko wow pynmiat ya ka thaw pynlang jhep ha Marten yeini da jubab u ya ka Call Attention Motion wa wanrah da u MLA ka Congress na Mawlai, u Process T Sawkmie.

U Dohling da pyntip u wa ka Sanitary Landfill dadep chna ya ka ha i thaw wa heh kamwa 15000 sq. ft. ha ki ar bynta heiwa ya ka bynta wa nyngkong da pynkrehkaam ha u Naichiphaw 2017.

Da pyntip u wa i bynta wa ar iwa heh kamwa 8500 sq. ft. i kreh dang man i iwa lai bait wei da booh thong wow pyndep yei kreh ha u Naichiphaw 2019.

Chooh chooh da ong u wa kani ka thaw wa da chna u man ko katkam ka stat ka juk wa katni heiwa da pynemkaam ya ki tiar ki wow khang ya ka um jakhlia wow ngam ko chapoh khyndaw i wow ktah yei man ki um chapoh khyndaw (Ground Water) wei ka um wa lang na kani ka thaw pynlang jhep daw pynkhooid ya ka wow ye biang u pynemkaam katkam ki kyndon wa da booh da ka Meghalaya State Pollution Control Board Standard.

Related posts

Kyrchaan ka Kur Sari Mukhla Umlangshor ya u Bitos Sari kam u kyrtong MDC na 5-Mukhla Ummulong

January 17, 2025

Pynbna ka NPP ya ka thup wa le ki kyrtong MDC cha ka JHADC

January 15, 2025

Da pyntip u leh wa hadien wa da siang ya u chyiap (Coarse Sand) kamwa 300 mm wei hadien wa da noh næ pynlang yei jhep daw brait khyndaw hajrong yong ini i jhep man ka sngi wow lait u sih ka rymaw wei wow pynduna ya i sma.

U Dohling da pyntip u leh wa daw pynemkaam ya ka stat yong ka juk wa katni hawa kit ya i jhep cha kani ka thaw pynlang jhep da ki kari wa da chna kyrpang  wei hadien 8 snem daw tymmoh ya ini i thaw wow chna ya ki thaw uiñke wa kiwi kiwi.