U Montri ka chnat Puræ Puthi, u Rakkam A Sangma hapoh ka yung dorbar ynne ka sngi da pyntip u wa da thung kreh pura (Regularize) ya kiwa sikai wa da thung kreh da ki Administrator wa ki Deputy Inspector of School chwa u 2007 wei kini da em ki 1985 ngut kiwa sikai ha ki Govt. LP School wa 461 ngut kiwa sikai ha ki LP School ha ki skur ki wym toh ki yong ka sorkar.
U MLA ka UDP na Nongpoh, u Mayralborn Syiem uwa da kylli yeini hapoh ka yung dorbor, da kylli chooh chooh won u heiyatoh wa ki kitu kiwi kiwa sikai LP School ki wym pu em Regularize kiwa da thung da kiwa pynlai ya ki skur lane da ki Deputy Inspector of School chwa ka 02-07-1994, iyi wa da jia ya kini ki wym pu em chah Regularize.
U Montri da ong u wa ym tip u chaphang ini, heiwa u Mayralborn da pyntip u wa kini kiwa sikai da wan yachem ki wa oo heiwa da khana ki wa hadien wa lai ki cha ka yung krehkaam u SDSEO da pyntip cha ki wa kiwa thung kreh da ki bor ka skur ym Regularize yei kreh ki, kamtæ da paan pynche u yeini heiwa u Montri da ong u wa ym tip u yeini wei daw hap u thooh yutip chaphang ini.
Neiliang u Montri Rangbah ka jylla, u Conrad Sangma hawa pynche heiyatoh wa ini da ong u wa kiwa sikai da maad ki yei eh wei na ki por cha ki por da wan yachem ki wa oo wei ka sorkar MDA ha itu i por da chim ko ya ka rai wow Regularize noh ya kini ki 461 ngut ki wym em sikai ha ki skur sorkar wei ini i dawa kiwa sikai toh iwa da sahteiñ la 30 snem iwa da ye ka sorkar MDA wow pynbait noh.
Heiyatoh wa kitu kiwa dang sah da ong u wa daw hap wow pait ya ki kyndon yow tip kammn u leh.
“Chwa u 2007 ya kini kiwa sikai da thung katkam ka Adhoc Basis wei ha kitu ki por ym em ki kyndon wa che kammon wow thung kreh wei da thung da ki Deputy Inspector of School katkam wa emkaam ha jar jiar ki District”, da pyntip won u Rakkam.
